Siglir tar il cuntegn

Header

Rio de Janeiro cun chametg davostiers.
Legenda: En la metropola brasiliana Rio de Janeiro èn suenter fermas dratgadas pliras vias vegnidas inundadas. Keystone
cuntegn

Exteriur Brasilia: Almain 10 morts pervi da malauras

Pervi d'inundaziuns e bovas suenter fermas dratgadas èn almain 10 persunas vegnidas per la vita a Rio de Janeiro. Las unfrendas sajan u najadas en lur autos, vegnidas sturnidas entras plantas u mortas en bovas, rapporta il portal da novitads G1.

La ferma plievgia dapi glindesdi saja la pli gronda malaura dapi passa 20 onns a Rio de Janeiro. Vias èn inundadas, spundas ruschnan e bleras plantas cupitgan. Il burgamester ha discurrì da plievgia atipica e las autoritads appelleschan a la glieud d'ir en segirtad.

RR novitads 06:00