Plinavant sajan 100 parents da praschuniers ch'eran gist sin visita vegnids prendids sco ostagis ad interim. La gronda part da quels, surtut dunnas, sajan entant vegnidas liberadas d'in'unitad speziala. Ils praschuniers avevan pretendì ch'in derschader vegnia a tadlar lur pretensiuns. Enstagl dal derschader è lura vegnida l'unitad speziala ed ha liberà ils ostagis.
La Brasilia è ina da las terras cun las pli bleras praschuns da l'entir mund. Las praschuns èn savens fullanadas e las cundiziuns schlettas. Pervi da las schlettas cundiziuns hai adina puspè dà cravals en las praschuns.
RR novitads 07:00