Siglir tar il cuntegn

Exteriur Brasilia: il vicepresident Michel Temer ha surpiglià il timun

En Brasilia ha il vicepresident da fin quà, Michel Temer, surpiglià il presidi e preschentà sia regenza.

Michel Temer en il ravugl da politichers
Legenda: Il vicepresident, Michel Temer, ha surpiglià il presidi da Dilma Rousseff. Keystone

Da quella fan part represchentants da 9 differentas partidas, però naginas dunnas. Temer spera d'uschia segirar avunda sustegn en il parlament per ils programs da refuma.

E n ses emprim pled ha Temer empermess da procurar ch'il pli grond pajais da l'America latina daventia puspè vardaivel. I saja impurtant da restabilir la pasch e d'unir la Brasilia.

Pervi da rinfatschas da corrupziun aveva il senat brasilian suspendì gievgia, ils 12-05-2016, la presidenta Dilma Rousseff per 180 dis.

RR novitads 06:00