Siglir tar il cuntegn

Header

cuntegn

Brenner Fauss alarm da Corona ha bloccà tren

Ord tema dal virus da Corona èn dus trens sin il traject dal Brenner tranter l’Italia e l’Austria vegnids fermads dumengia saira per radund quatter uras. L’Italia aveva annunzià ch’ins suspectia che duas persunas a bord dal tren sajan infectadas cun il virus. Las duas dunnas da la Germania èn vegnidas testadas a Verona sin il virus. Tenor la Viafier federala da l’Austria n’èn dus cas da suspect betg vegnids confermads.

Radund 500 passagiers han stuì spetgar pliras uras enfin che lur viadi en direcziun Germania ha cuntinuà. Il tren Eurocity 86 era en viadi da Venezia a Minca.

RTR novitads 06:00

Artitgels legì il pli savens

Nach links scrollen Nach rechts scrollen