Inhalt
Exteriur
-
Brev legendara dad Albert Einstein vegn ingiantada
Ina brev scritta a maun dad Albert Einstein vegn sut il martè e pudess purtar fin 1,5 milliuns dollars.
L'uschenumnà «Gottesbrief» pudess vegnir ingiantà per fin 1,5 milliuns dollars, quai manegia la chasa d'aucziun Christie's. L'aucziun è planisada per ils 4 da december a New York.
La brev che cumpiglia duas paginas da l'onn 1954 è adressa al filosof Eric Gutkind. Il fisicher descriva ses patratgs davart religiun, sia atgna derivanza gidieua ed il senn da la vita.
Albert Einstein
Personen-Box aufklappenPersonen-Box zuklappen
Il fisicher è naschì ils 14 da mars 1879 ad Ulm en Germania. L'onn 1922 ha Albert Einstein obtegnì il premi Nobel da la fisica. Il pli enconuschent è el dentant vegnì cun sia teoria da la relativitad che descriva la relaziun tranter temp e spazi. El è mort ils 18 d'avrigl 1955 en la vegliadetgna da 76 onns a Princeton.
RR novitads 09:00
