Siglir tar il cuntegn

Header

Navigaziun

Philip Hammond, il minister da finanzas da la Gronda Britannia.
Legenda: Philip Hammond, il minister da finanzas da la Gronda Britannia. Keystone
cuntegn

Brexit Discurs tranter May ed opposiziun cuntinueschan

Ils discurs tranter la regenza britannica e la partida da l’opposiziun Labour davart in cumpromiss areguard il brexit cuntinueschan. Quai tenor il minister da las finanzas da la Gronda Britannia, Philip Hammond. El saja optimistic ch’ins vegnia perina. Quai malgrà che la partida Labour è trumpada dals discurs ch'èn stads fin ussa.

Els veglian ch'ils discurs cuntinueschian, ha declerà l'expert da Brexit da Labour, Keir Starmer, il venderdi saira en in'intervista. Per quai stoppia la regenza dentant esser pronta da far cumpromiss e fin uss na proponia quella naginas midadas vi dal deal.

L’entschatta da l’emna aveva la primministra, Theresa May, contactà l’opposiziun e purschì cumpromiss per il Brexit. Tenor il plan actual banduna la Gronda Britannia l’UE ils 12 d'avrigl. Ier venderdi ha May però dumandà da spustar il termin sin ils 30 da zercladur.

RR novitads 12:00