La regenza ha refusà ina petiziun online che vuleva precis quai. Passa 4 milliuns Brits han suttascrit la petiziun. Quai èn var 6% da tut la populaziun da la Gronda Britannia. Ina verificaziun da las suttascripziuns n'è dentant betg succedida.
Il referendum saja stà ina chaussa unica ed ins stoppia en mintga cas respectar il resultat, ha scrit la regenza britannica. La fin da zercladur avevan stgars 52% dals Brits vuschà per il Brexit.
Decisiun davart program nuclear
Il parlament britannic decida ils 18 da fanadur sche la Gronda Britannia duai renovar ses program nuclear u betg. Quai ha annunzià il primminister partent David Cameron a l'inscunter suprem da la NATO a Warschau. La Gronda Britannia è ina da las pussanzas nuclearas las pli veglias dal mund. Ma las armas ed ils sutmarins èn vegls e ston vegnir renovads.
RR novitads 15:00