Siglir tar il cuntegn
Inhalt

Exteriur Brexit: Franzos daventa schef-negoziader da l'UE

L'anteriur minister da l'exteriur franzos Michel Barnier surpiglia questa incumbensa per l'Uniun europeica.

Politicher.
Legenda: Michel Barnier duai manar per l'UE ils discurs davart il Brexit. Keystone

L'anteriur cumissari da l'UE, Michel Barnier duai negoziar per l'Uniun europeica cun la regenza a Londra las cundiziuns per che la Gronda Britannia possia sortir da l'UE. Il president da la cumissiun da l’UE, Jean Claude Junker, ha nominà mesemna il Franzos Barnier sco ses schef-negoziader.

Michel Barnier haja blera experientscha e possedia numerus contacts en las chapitalas dals stadis commembers ed en il parlament da l'UE. Quai valia bler per sia nova funcziun, ha Juncker ditg vinavant.

Il suveran britannic aveva decis la fin da fanadur a l’urna da sortir da l’Uniun europeica. Fin uss n’ha la Britannia dentant anc betg inoltrà ina dumonda uffiziala a l’UE. Cura che quai capita, cumenzan las tractativas davart il Brexit. Quellas tractativas èn limitadas a dus onns.

RR novitads 14:00