Brexit: Il pfund britannic perda marcant valita

La Gronda Britannia vul sortir da l’Uniun europeica. Sco consequenza ha il pfund britannic pers marcant valita. El è crudà sin il pli bass stan dapi il 1985.

En vista a la smanatscha d'ina sortida da l'Uniun europeica è il pfund britannic crudà a moda dramatica. Il mument noda quel in minus da prest 11% ed è sin 1,32 dollars. Quai è il pli bass stan dapi il 1985. A l’entschatta da las fatschentas dad oz custa il pfund britannic anc dapli che 1,50 dollars.

Blers cumpran uss francs svizzers

En tschertga da «refugis» vegn investì en francs svizzers ed en aur, scrivan las agenturas da novitads.

Enturn las 4 e mesa era il franc uschè ferm envers l'euro sco dapi 7 mais betg pli. In euro custava 1 franc e 07.

A la bursa a Tokio ha l'avantatg dal Brexit procurà per ina perdita da 7%. En l'Australia perda la bursa passa1%.

RR novitads 06:00+