Brexit ils 29 da mars 2019 da mesanotg

Quest termin per il Brexit vul il minister dal Brexit, David Davis, fixar en la lescha per extrar da l'Uniun europeica.

bandieras da la Gronda Britannia e da l'Uniun europeica Bild in Lightbox öffnen.

Legenda da maletgs: La data da l'extrada da la Gronda Britannia da l'UE duai vegnir fixada sin ils 29 da mars 2019 da mesanotg. Keystone

Ier ha cumenzà a Brüssel la sisavla runda dals discurs da Brexit. In dals puncts dispitaivels èn las pretensiuns finanzialas da l'UE. Avant curt ha il president dal parlament da l'UE Antonio Tarjani stimà quellas sin 50 fin 60 milliardas euros.

Plinavant tractan ils diplomats ils dretgs dals burgais da l'Uniun europeica che vivan vinavant en la Gronda Britannia ed er il cuntrari – ils dretgs dals Brits che vivan en l'UE. Er sto vegnir sclerì tge status che l'Irlanda dal Nord che tutga tar la Gronda Britannia duai avair en l'avegnir. Ed en quest connex er il status dal cunfin tranter l'Irlanda dal Nord e la republica Irlanda.

RR novitads 06:00