Siglir tar il cuntegn

Header

cuntegn

Exteriur Brexit pli plaun che quintà

Ina dretgira ha dà raschun a l'accusadra Gina Miller, ch'il parlament haja er anc in pled en chaussa. La regenza na possia betg decider suletta cura instradar il proceder d'extrar da l'Uniun europeica.

La sentenzia pretenda che la regenza dastgia pir lantschar il proceder d'extrar da l'UE suenter ina votaziun dal parlament britannic. Ils accusaders avevan argumentà tranter auter ch'il resultat dal referendum davart l'extrada da l'UE na saja betg liant giuridicamain. Perquai stoppia il parlament anc s'occupar da questa decisiun.

Fixà mars 2017

Suenter la votaziun da Brexit il zercladur 2016 aveva la regenza britannica decidì da cumenzar il mars 2017 cun las tractativas d'extrada, e quai senza consultar il parlament. La regenza ha uss annunzià da vulair far recurs cunter la decisiun.

RR novitads 12:00

Artitgels legids il pli savens