Ils giurists da la chanzlia Mishcon de Reya han publitgà la dumengia ina decleraziun en chaussa. En quella argumenteschan els che la regenza britannica na possia betg activar l'artitgel 50 da la constituziun da l’UE senza debatta e votaziun dal parlament a Londra. La chanzlia agescha en num da mandants anc betg enconuschents.
Il resultat da la votaziun na saja betg mess en dumonda, argumentescha la chanzlia vinavant. Dentant saja necessaria ina procedura che correspunda al dretg britannic per metter enturn la decisiun. Cunquai ch’il resultat dal referendum na saja betg liant fissi illegal da realisar quel, tant per il primminister actual sco era per ses successur .
RR novitads 08:00