En la Gronda Britannia ha la chombra auta, il «House of Lords», approvà ina proposta da midar il sboz da la lescha cun la quala la primministra Theresa May vul introducir la sortida da l'Uniun europeica.
La chombra auta pretenda che burgais da l’UE, che vivan gia en Gronda Britannia survegnan garantì il dretg da dimora en il pajais.
Ussa sto da novamain la chombra dals deputads, il «House of Commons» s’occupar da la fatschenta. Ella aveva numnadamain approvà il sboz da la regenza senza midadas.
