Siglir tar il cuntegn

Header

cuntegn

Exteriur Brexit: Theresa May pretenda in Gea a la Cunvegna

La primministra spera, ch'il parlament da la Gronda Britannia accepta finalmain la cunvegna cun l'UE.

Per l'UE vegn in spustament dal Brexit dals 29 da mars sin ils 22 da matg en dumonda; dentant mo sche la chombra dals deputads britannica accepta l'emna proxima tuttina anc il contract. Cun il spustament avessan ils brits dapli temp, per sortir ordinadamain da l'Uniun Europeica.

Duas giadas avevan ils deputads gia renvià il contract che la primministra Theresa May aveva elavurà cun l'Uniun europeica. Sch'il parlament n'accepta anc ina giada betg il contract, datti ina prolungaziun be fin ils 12 d'avrigl. Fin là stuess lura la Gronda Britannia proponer co i duai ir enavant.

La data dals 22 da matg è vegnida proponida uffizialmain da l'inscunter da l'UE. Theresa May aveva supplitgà ina suspensiun pli lunga fin ils 30 da zercladur.

RR novitads 20:00

Artitgels legids il pli savens