Cun l’excepziun da l’Irlanda saja l’Uniun europeica cleramain en retard quai che pertutgia las preparativas per in Brexit senza cunvegna – ha declerà l’Uniun d’industria britannica CBI.
Quai mainia ad in dischequiliber. La rauba ed ils servetschs dals pajais da l’UE hajan in access pli simpel a la Gronda Britannia, che las firmas britannicas a l’UE. Surtut interpresas pli pitschnas èn tenor il rapport da l’Uniun d’industria britannica main bain preparadas.
Il rapport sa basa sin enquistas ch’èn vegnidas fatgas cun interpresas da differentas grondezzas en differentas branschas.
RR novitads 06:00