Ils experts quintan che sch'i dat in GEA al Brexit, crodia il curs a moda dramatica. La votaziun istorica en la Gronda Britannia da sortir u da restar en l’Uniun europeica ha cumenzà oz en damaun. Dapi las otg pon radund 46 milliuns abitantas ed abitants dar giu lur vusch. La votaziun vala sco ina da las pli impurtantas insumma en l'istorgia da la Gronda Britannia.
Tenor las ultimas retschertgas èn ils adherents da l’Uniun europeica lev en avantatg. Las ultimas retschertgas da las gasettas en Gronda Britannia mussan ch’ils adherents da restar en l’Uniun europeica èn levamain en avantatg.
En duas differentas enquistas per las gasettas «Times» e «Daily Mail» vulan 48% respectivamain 51% da las persunas dumandadas restar en l’UE. Ma ils resultats n’èn anc betg propi clers.
Quai mussa era l’institut da retschertga «YouGov» èn ils resultats da las enquistas però memia stratgas per propi predir il resultat da la votaziun. Il sulet propi segir è ch’ils locals electorals avran bun’ura a las 8 e vegnan a serrar la saira tard a las 11.
RR novitads 06:00++