Siglir tar il cuntegn

Header

cuntegn

Brischament a Paris Almain trais persunas moran tar in incendi

Tar in incendi en in bajetg da sis auzadas en l'ost da Paris èn almain trais persunas mortas. Quai rapportan differentas medias franzosas. Ina persuna saja vegnida blessada grevamain, radund 30 ulteriuras persunas èn blessadas lev.

Polizia ha confermà grond fieu

La polizia conferma via Twitter in grond incendi en l'indeschavel district municipal. Passa 200 pumpiers sajan en acziun. Il fieu saja rut ora en il corrdior da la chasa da pliras auzadas. Il motiv n'è betg enconuschent. En il mument na datti naginas ulteriuras indicaziuns davart la chaussa.

Tals incendis n'èn nagina raritad a Paris. Gia il favrer èn mortas tar in incendi en in cumplex da chasas d'abitar 10 persunas.

RR novitads 10:00

Artitgels legids il pli savens