Siglir tar il cuntegn

Header

cuntegn

Exteriur Brok: «Ina clausla unilaterala munta cuntramesiras»

Entant n'ha la cumissiun da l'Uniun europeica betg anc piglià posiziun vers il plan dal Cussegl federal da far ina clausla da protecziun. Ina clausla che duai limitar l'immigraziun en Svizra. Il president da la giunta per fatgs da l'exteriur da l'UE ha però gia reagì.

Surtut il fatg ch'il Cussegl federal ponderescha d'introducir questa clausla da protecziun era senza in accord cun l'Uniun europeica (UE), na plascha betg al president da la giunta per fatgs da l'exteriur da l'UE, Elmar Brok. Quai saja ina smanatscha.

Quai è ina smanatscha. E cun smanatschas na duessan ins betg cumenzar tractativas.
Autur: Elmar Brok President da la cumissiun per fatgs da l'exteriur da l'UE

Ina tala schliaziun unilaterala avessia consequenzas, di Brok. Quai provocassia cuntramesiras da la Uniun europeica.

Experts quintan era cun cuntramesiras

Era l'experta per dretg europeic, Christa Tobler, quinta cun reacziuns da l'UE, sche la Svizra introducess la clausla unilateralmain. Lura muntassia quai che la Svizra violeschia ils contracts; e quai intenziunadamain, ha ditg Tobler in in'intervista cun las gasettas «Tages-Anzeiger» e «Bund».

Ella quinta che l'UE n'acceptassia naginas ulteriuras cunvegnas per dar meglier access a la Svizra a las fiera europeicas. Las mesiras concretas n'enconuschia però nagin. S'exprimer davart mesiras concretas da l'UE sco reacziun sin l'agir da la Svizra, fissia pura speculaziun. Tobler quinta però betg che l'UE visassia las cunvegnas bilateralas.

RR novitads 10:00

Artitgels legids il pli savens