E l’um suspectà che la polizia aveva mazzà è probablamain stà in islamist radical, sco la Procura publica da la Belgia ha ditg ad ina conferenza da medias. Ins haja chattà tar el ina bandiera da la gruppa da terror Stadi islamic ed in cudesch davart il salafissem. L’um cun l’annada 1980 era da l’Algeria e viveva illegalmain en la Belgia. Fin uss era el enconuschent a la polizia mo pervi d’in enguladitsch. Dus umens sajan vegnids arrestads.
L'acziun da la polizia en la vischnanca da Forest datiers da Brüssel è stada en connex cun las attatgas terroristicas dals 13 da november a Paris. Tar l’acziun èn 4 policists vegnids blessads.
RR novitads 14:00