Siglir tar il cuntegn
cuntegn

Exteriur Brüssel emprova in'ultima giada

En la crisa da la Grezia fa Brüssel en l'ultima minuta in'emprova d'intermediaziun. Sch'il primminister grec Alexis Tsipras acceptia anc oz l'offerta dals crediturs ed appelleschia al pievel da dir gea al referendum vegnia fatg via per in'ulteriur inscunter dals ministers da finanzas da l'euro.

bajetg dal parlament a Brüssel, avant ina retscha da bandieras da stadis da l'UE
Legenda: Il bajetg dal parlament europeic a Brüssel. Keystone

Uschia hai gì num ord circuls da l'Uniun europeica.

Sco medias greccas han rapportà haja Tsipras signalisà al president da la cumissiun europeica Jean-Claude Juncker da ponderar la proposta fatga.

La chanceliera tudestga Angela Merkel n’enconuscha dentant betg ina nov’offerta. «La davosa offerta da la cumissiun è da venderdi da l’emna passada» ha Merkel ditg oz a Berlin.

La notg sin damaun scada il program d'agid da milliardas per la Grezia.

Merkel ha danovamain ditg ch’ils discurs na vegnian betg cupitgads suenter mesanotg. Las portas restian avertas per discurs. Per prolungar il program sur mesanotg ora saja dentant «memia tard».

RR novitads 15:00