Siglir tar il cuntegn

Header

Dus charrets bandunads stattan davant ina pluna da tocca da l'eroport destruì a Zaventem
Legenda: In'emna suenter las attatgas sa prepara l'eroport Zaventem sin reprender la fatschenta Reuters
cuntegn

Exteriur Brüssel fa tests per reactivar il traffic aviatic

Al check-in dal port aviatic da Zaventem datti emprims tests per reprender il manaschi.

L'eroport ha engaschà 800 collavuraturs per far tests cun l'indriz provisoric al check-in. In termin per la reavertura na datti dentant anc betg. Dapi las attatgas da mardi passà è il port aviatic da Zaventem serrà. Bleras societads aviaticas guntgeschan lur sgols sin eroports regiunals a Brüssel ubain sin eroports en pajais vischins.

Lufthansa stritga sgols a Brüssel

La Lufthansa, la societad-mamma da la Swiss, stritga tut ils sgols a Brüssel, almain enfin mesemna. Er il sgol da la gievgia en damaun tranter Turitg e Brüssel crodia ora. Avant aveva la Swiss stritgà tut ils sgols fin glindesdi da Pasca.

RR novitads 10:00

Artitgels legids il pli savens

Scrollar a sanestra Scrollar a dretga