Bulgaria: Accident da tren tutga era vitg

Suenter in grev accident da tren en la Bulgaria èn almain 7 persunas mortas e 29 vegnidas blessadas. Tenor medias indigenas èn tozzels da chasas vegnidas destruidas pervi da l'incendi.

Chasas ch'èn vegnidas destruidas pervi da l'incendi. Bild in Lightbox öffnen.

Legenda da maletgs: Tenor medias indigenas èn tozzels da chasas vegnidas destruidas pervi da l'incendi. Keystone

In tren da rauba cun tancs da gas è ì sur ils binaris ora en in vitg en il nordost dal pajais. Suenter in'explosiun ha quel piglià fieu. La mesadad dals enturn 800 abitants dal vitg hajan ins mess en segirtad. L'explosiun è stada desastrusa. Sper las chasas èn era vegnidas destruidas la staziun, la chasa communala ed il post da polizia.

La raschun exacta per la disgrazia n'enconusch'ins anc betg.

RR novitads 06:00