Exteriur - Bulgaria: Elecziun da president/a ha cumenzà
Rumen Radew, il socialist (senza partida) da l'opposiziun ubain Zezka Zatschewa da la partida regenta - tgi fa la cursa? L'elecziun è ina elecziun decisiva.
Legenda:
Zezka Zatschewa, la candidata da la partida da la regenza GERB.
Keystone
2 / 2
Legenda:
Il candidat da l'opposiziun Rumen Radew dat giu sia vusch.
Keystone
L'anteriur general Rumen Radew vala sco favurit. El vala er sco ami da la Russia. Avess Radew da gudagnar l'elecziun pudess il cabinet da coaliziun sa retrair amez la perioda d'uffizi. Quai muntass in'ulteriura crisa da regenza en la Bulgaria, la terza aifer trais onns.
Sia cuntercandidata, Zezka Zatschewa fa part a la partida burgaisa GERB. Zatschewa vul cuntinuar cun il curs pro-vest ch'il president actual Rossen Plewneliew aveva persequità. Tenor retschertgas avess ella da survegnir tranter 39 enfin 45 pertschient da las vuschs.
