En la Bulgaria ha la partida burgaisa GERB gudagnà las elecziuns parlamentaras. Tenor indicaziuns uffizialas vegn ella sin bunamain 33% da las vuschs. Uschia manchenta ella però la maioritad absoluta. Ils socialists èn segund ferma forza cun radund 27%. La partida «GERB» s’orientescha al vest. Ils socialists a la Russia.
Ins po quintar entaifer ils proxims trais dis sin resultats finalas. Quai ha la cumissiun electorala centrala communitgà glindesdi suenter avair dumbrà bunamain 95% da las vuschs. Era ussa hai dà – sco era gia pli baud - plirs indizis sin cumpra da vuschs.
La Bulgaria è il pli pover pajas da Uniun europeica. Experts quintan ch'i vegnia uschia ad esser difficil per ils burgais da furmar ina nova regenza. Il mument regia ina regenza transitorica.
RR actualitad 08:00