Siglir tar il cuntegn

Header

cuntegn

Exteriur Bumba da 2. guerra mundiala - millis vegnan evacuads a Paris

Pervi d'ina bumba dal temp da la segunda guerra mundiala, ston fin 8'000 persunas vegnir evacuadas la fin d'emna en l’aglomeraziun da Paris.

La bumba britannica cun material explosiv da 280 kg duai vegnir neutralisada la dumengia, quai communitgeschan las autoritads. Enturn il lieu da chattada a Noisy-le-Sec vegn endrizzà ina zona da segirtad cun in radius da 700 meters. Per il traffic internaziunal e regiunal munta quai impediments considerabels. Sper la bumba pudessan anc sa chattar autras chargias explosivas. L’areal e gia vegnì segirà cun rempars e ballas strom.

3000 bumbas a Noisy-le-Sec

La Royal Air Force aveva bittà giu la notg dals 18 sin ils 19 d’avrigl 1944 (Paris era anc occupà da la Wehrmacht) radund 3’000 bumbas sin la staziun da manevrar da Noisy-le-Sec. Il bumbardament aveva servì da preparar la sbartgada dals alliads en la Normandia paucas emnas pli tard. Tar il bumbardament è vegnì destruì la gronda part da Noisy-le-Sec.

RR novitads 16:00

Artitgels legids il pli savens