Exteriur - Bun 1’000 Europeans èn anc sparì en il Nepal
Sis dis suenter il grev terratrembel en il Nepal manca anc adina il contact tar radund 1000 persunas oriundas da l’Europa. «Nus na savain betg nua ch’ellas èn u nua ch’ellas pudessan esser», ha ditg l'ambassadura da l’Uniun Europeica a Kathmandu. Entant crescha il dumber dals morts sin almain 6’300.
«Ils blers Europeans èn sparids en la regiun da viandar dal parc naziunal Langtang ed en la regiun enturn il Mount Everest», ha l’ambassadura da l’UE en il Nepal ditg a las medias.
Sco in represchentant da l’uniun europeica ha ditg sajan probabel las bleras persunas anc betg chattadas en gamba, ma concernent las grevas relaziuns en il Nepal manchian simplamain las infurmaziuns.
