Siglir tar il cuntegn

Header

Purtret d'in sgrattatschiel cun massa fanestras.
Legenda: Quatter milliardas persunas vivan en citads. Keystone
cuntegn

Exteriur Bunamain 4 milliardas persunas vivan en citads

Sin l’entir mund vivan passa 54% da la populaziun en citads. Quest dumber s’augmenta adina pli fitg. Da quest fenomen s’occupeschan ils stadis commembers da l’ONU quest’emna a l’inscunter mundial davart l’abitadi en la chapitala da l’Ecuador a Quito.

Da quest fenomen s’occupeschan ils stadis commembers da l’ONU quest’emna a l’inscunter mundial davart l’abitadi en la chapitala da l’Ecuador a Quito. Il president da Venezuela Nicolas Maduro ha supplitgà las regenzas d'investar ils daners che vegnan duvrads per far guerra enstagl per bajegiar abitaziuns, damai che quellas èn anc adina en blers lieus memia charas.

Na faschessi betg dapli senn da quintar ensemmen ils daners per la guerra da la Siria (...) ed investir tut quests milliuns en programms che fan senn?
Autur: Nicolas MaduroPresident da Venezuela

Il secretari general da l’ONU Ban Ki Moon ha menziunà en ses pled d’avertura che las citads sajan il motor dal svilup. El ha appellà als auditurs da resguardar tar la planisaziun urbana aspects socials e favuraivels al clima. La dumonda globala davart il clima vegnia decidida en las citads.

Quest inscunter è pir il terz suenter Vancouver 1976 ed Istanbul 1996.

RR novitads 09:00

Dapli da Exteriuravrir la Landingpage

Nach links scrollen Nach rechts scrollen