La chanceliera tudestga Angela Merkel duai sa retrair. Quai pervi da la dispita en la regenza davart la politica d’asil. Quai vulan 43% dals participants dad in’enquista en Germania. Bunamain gist tantas da las persunas intervistadas numnadamain 42% vulan che Merkel restia chanceliera. Ils restants 15% n’han fatg nagina indicaziun.
L’institut demoscopic «YouGov» ha intervistà var 2’000 persunas. In terz da quellas craja – che la coaliziun da CDU, CSU e SPD rumpia dapart pervi da la dispita davart la politica d’asil.
RR novitads 09:00