Siglir tar il cuntegn
cuntegn

Exteriur Bunas prognosas per l’economia grecca

L’economia en Grezia para da sa revegnir: Per il 2019 budgetescha la regenza grecca sin basa dad ina creschientscha economica da 2,5%. Quai rapporta l’agentura da novitads svizra SDA.

Tsipras en il parlament.
Legenda: Il primminister grec Alexi Tsipras sa legra ch’il budget è vegnì tras en il parlament grec. Keystone

Il mardi saira ha il parlament grec approvà il preventiv 2019. Igl è l'emprim preventiv suenter che la Grezia ha bandunà ils programs d'agid la fin d'avust. Dapi lura sto la Grezia puspè procurar per ils daners sin ils martgads da finanzas.

L'UE ed il Fond monetar internaziunal spetgan in gudogn, quai senza resguardar il pajar enavos daivets. Dapi il 2010 aveva survegnì la Grezia radund 290 milliardas francs per pudair mantegnair il stadi.

RR novitads 06:00