Ils 8 da matg saja stà per l'entira Europa in di da la liberaziun, uschia Lammert. Cun la capitulaziun da l'armada tudestga era la Segunda Guerra mundiala en l'Europa ida a fin ils 8 da matg 1945. En l'Asia aveva quella anc cuzzà enfin tar la capitulaziun dals Giapunais ils 2 da settember.
Festivitads per la fin da la Segunda Guerra mundiala
En numerus pajais han ils schefs da stadi e da la regenza regurdà vi da la fin da la Segunda Guerra mundiala en l'Europa ils 8 da matg 1945.
Il president russ Wladimir Putin ha gratulà via telegram als schefs da stadi da l'anteriura Republica sovietica, tranter quels er il president ucranais Petro Poroschenko. Il cumbat communabel haja salvà il mund dal nazissem, uschia Putin.
A Paris ha François Hollande mess in cranz a la fossa d'in schuldà nunenconuschent. A Warschau han plis schefs da stadis ost e central-europeics fatg part ad ina festa.
RR novitads 15:00