Siglir tar il cuntegn

Exteriur Burkhalter s’entaupa cun nova regenza da Sri Lanka

Il cusseglier federal Didier Burkhalter ha cumenzà sia visita en la chapitala da la Sri Lanka Colombo. En il center stattan discurs tranter represchentants da la regenza nova dal Sri Lanka e la populaziun tamila.

Il schef da regenza Maithripala Sirisena cun chamischa alva
Legenda: Il schef da regenza Maithripala Sirisena. Keystone

Per la regenza nova saja impurtant da chattar in equiliber tranter las differentas etnias en il pajais. Quai ha communitgà il Departament federal d’affars da l’exteriur. Era duajan crims da guerra durant la guerra civila vegnir intercurids. Sco Burkhalter ha accentuà saja il dialog tranter las partidas la premissa per stgaffir confidenza.

Mesemna viagia il cusseglier federal en il nord da l’insla per visitar il vitg Jaffna. Quest vitg era vegnì destruì durant la guerra civila. Per reconstruir il vitg hai dà sustegn da la Direcziun da svilup e da collavuraziun.

RR novitads 15:00