Siglir tar il cuntegn

Header

cuntegn

Exteriur Bursas serran onn en minus

Bleras bursas en l'Europa e l'Asia termineschan l'onn da commerzi 2018 cun perditas.

Per l'emprima giada dapi il 2011 ha la bursa giapunaisa fatg ina perdita da l'onn. Il Nikkei-Index – che cumpiglia 225 valurs ha terminà l'onn da fatschenta, cun in minus da 12%. En l'ultima emna da commerzi da l'onn è il curs varià zunt fitg a Tokio. Dapi il 2016 n'è la variaziun dal curs betg stada uschè auta. I sa tracta da l'emprima giada dapi ch'il primminister Shinzo Abe è en uffizi che la bursa da la terz gronda economia dal mund serra l'onn da commerzi cun perditas.

L'index dal martgà svizzer SMI ha fatg fin uss in minus da passa 13% dapi l'entschatta da l'onn. Il Dax en Germania ha pers bunamain 20%..

RR novitads 10:00

Artitgels legids il pli savens