Siglir tar il cuntegn

Header

cuntegn

Exteriur Burundi – chapitala sut controlla dals putschists

En il pajais ost-african Burundi annunzian ils putschists d'avair la controlla da grondas parts da la chapitala Bujumbura.

Dentant era 24 uras suenter il putsch n'èsi betg pussaivel da dir tgi ch'ha la pussanza en il pajais. Mesemna aveva l'anteriur schef dal servetsch secret annunzià ch'il president da stadi saja relaschà. La notg aveva il schef da l'armada alura declerà ch'il putsch na saja betg gartegià. Durant la notg avevi dentant dà grevs cumbats tranter ils putschists e schuldada loiala a la regenza.

Il militar aveva proclamà mesemna in putsch cunter il president, quel aveva dementì quai. Las protestas en il Burundi cuzzan gia plirs dis. Punct da dispita è l’annunzia dal president da candidar per ina terza perioda d’uffizi.

RR novitads 9:00

Artitgels legids il pli savens