Siglir tar il cuntegn
Inhalt

Exteriur Calabria: Almain 11 turists moran en ina chavorgia

Tar in’aua gronda andetga en ina chavorgia en il sid da l’Italia èn mortas almain 11 persunas. Pliras persunas èn anc adina sparidas, rapporta l’agentura da novitads Ansa.

Forzas da salvament transporteschan ina persuna blessada ord il parc.
Legenda: 23 persunas hajan pudì vegnir salvadas, da quellas sajan 5 vegnidas transportadas en l’ospital. Keystone

23 persunas hajan pudì vegnir salvadas, da quellas sajan 5 vegnidas transportadas en l’ospital.

La disgrazia è capitada en la chavorgia da Raganello datiers da la citad Civita en la regiun da la Calabria. Ferma plievgia aveva laschà crescher il flum en la chavorgia. Ils turists sajan vegnis surprendids da l’aua gronda e per part vegnids stratgs davent da quella.

Parc naziunal è accessibel senza guid

Quantas persunas exact che sa chattavan en la chavorgia, n’è anc betg cler. Il canyon en il parc naziunal Pollino è accessibel senza guids e vala sco lieu da turas fitg popular.

RR novitads 06:00