Siglir tar il cuntegn

Header

cuntegn

Exteriur California: Almain 50 persunas èn mortas en las flommas

En la California saja il dumber da las unfrendas mortalas tras ils grond incendis da guaud creschì sin almain 50 morts – uschia citescha l’agentura da novitads SDA ils pumpiers en California.

En la vischnanca da Paradise en il nord da la California han las autoritads chattà ulteriuras 6 persunas mortas. Quai vul dir che 48 persunas èn mortas sulet en questa vischnanca, scrivan las autoritads.

Er en il sid da la California, a Malibu, èn vegnidas chattadas duas baras en las ruinas. Dunsainas da persunas èn anc sparidas.

Incendis furieschan vinavant

Dapi la gievgia passada hajan ils incendis gia destruì tschients da kilometers quadrats da guaud, millis da chasas – ed els furieschan vinavant. Tschientmillis da persunas han stuì fugir.

Il president american Donald Trump ha empermess sustegn finanzial. Anc la fin d’emna aveva Trump procurà per agitaziun cun renfatschar a las autoritads da la California dad avair fatg sbagls en la gestiun dals guauds.

audio
Bunura: Impressiuns dals incendis en California da Maria Luisa Ardini
ord Actualitad dals 14.11.2018.
laschar ir. Durada: 1 minuta 53 Secundas.

RR novitads 06:00

Artitgels legids il pli savens