Ils incendis da guaud en il nord da Los Angeles sa derasan vinavant. Fin ussa èn vegnids destruids 16 bajetgs. 1’500 persunas han stuì bandunar lur chasas, plinavant ha vias stuì vegnir serradas.
Tar chaliras extremas e ferms vents sa derasian las flommas en la cuntrada setgentada datiers da la citad da Santa Clarita.
Fin la dumengia saira eran ulteriuras 4’000 hectaras en flommas. Tut en tut è il fieu entant sa derasà sur ina surfatscha da passa 13’000 hectaras. Be 10% dals incendis sajan sut controlla.
