Suenter l'attatga sin in hotel en Tunesia cun 38 morts pretenda il primminister britannic David Cameron ch'ils stadis dal vest mussian fermezza en il cumbat cunter ils extremists ed il Stadi islamic. I saja dumandà ina ferma resolutezza ha appellà Cameron.
Il venderdi aveva in attentader, in student tunesian assaglì l'hotel datiers da Sousse e sajettà giu 38 persunas, la gronda part da quellas da la Gronda Britannia. 39 ulteriuras persunas èn vegnidas blessadas. Per l'attatga era sa responsà la milissa da terror Stadi islamic.