Suenter ils incendis da guaud desastrus en il Canada pon ils blers abitants da la citad Fort McMurray turnar enavos en lur chasas a partir dal prim da zercladur.
Sulettamain radund 9’000 abitants dals 3 quartiers da la citad ch'èn pertutgads il pli fitg na dastgan anc betg turnar enavos. Tests da l'aria, il terren e la tschendra hajan mussà che quest conturn saja anc adina contaminà memia ferm entras chemicalias. Quai han communitgà las autoritads da la provinza Alberta.
Ils 100’000 abitants da Fort McMurray eran vegnids evacuads cumplettamain l'entschatta matg pervi dals incendis.
RR novitads 08:00