Canada na sgola betg pli cunter il SI

Als 22 da favrer è igl a fin: L'aviatica militara canadaisa n'attatga betg pli l'organisaziun terroristica "Stadi Islamic" en l'Irac e la Siria.

La regenza canadaisa comunitgescha la decisiun. Bild in Lightbox öffnen.

Legenda da maletgs: Justin Trudeau na vul betg pli sgolar cunter il IS - Canada cloma enavos ses 6 aviuns da cumbat da la regiun da conflict. Keystone

Cun questa decisiun ha Trudeau prendì enavos ina decisiun da ses antecessurs, la regenza conservativa. En ses cumbat electoral aveva il minister-president canadais, Justin Trudeau, empermess, da terminar las attatgas aviaticas cunter la milissa da terrur Stadi Islamic SI.

Unfis da perder Canadais en conflicts lontans

Suenter 10 onns cumbats en Afghanistan na vulan blers Canadais betg pli che la regenza tramettia lur schuldada a far guerra en l’exteriur. En quels cumbats avevan 158 Canadais per lur vita.

Vinavant preschentscha canadaisa en la regiun

Il Canada resta dentant vinavant en la regiun da conflict. Ils 6 aviuns da guerra turnan, ma en il nord da l’Irac vegn augmentà il numer dad instruiders da 70 sin 200. Quella schuldada scolescha vinavant cumbattants curds.

«Ils umans, che vegnan terrorisads di per di da l’IS na duvran betg nossa vendetta. Els dovran nos agid» vegn Trudeau cità da la sda.

RR novitads 06:00