Siglir tar il cuntegn

Header

Er davant il Capitol a Washington èsi da rumir las massas da naiv.
Legenda: Er davant il Capitol a Washington èsi da rumir las massas da naiv. Keystone
cuntegn

Exteriur Caos da naiv en l'ost dals Stadis Unids

In «blizzard» ha cuntanschì la costa orientala dals Stadis Unids. Radund 85 milliuns carstgauns èn pertutgads da la burasca monstrusa.

Ina da las pli fermas burascas da naiv dals davos onns ha cuntanschì la costa orientala dals Stadis Unids. Dieschmillis persunas èn stads senz'electricitad. Millis da sgols èn vegnids annullads. Dad accidents sin las vias sajan almain 8 persunas mortas. Quai rapportan las autoritads.

Persunas davant il capitol a Washington.
Legenda: La burasca paralisescha la vita publica en la chapitala da Washington. Keystone

Alarm da «blizzard»

Il servetsch meteorologic statal ha dà or in alarm da «blizzard» da Virginia fin a New York. En quest territori vivan radund 85 milliuns carstgauns. Ins quintia cun fin 60 centimezers naiv nova.

«SWISS» annullescha sgols a New York

Pervi da la malaura ha stritgà la societad aviatica «SWISS» ses quatter sgols da Turitg a New York dad oz. Er ils sgols enavos vegnan stritgads. Tenor «SWISS» è New York la suletta destinaziun ch'è pertutgada da las annullaziuns da sgols.

RR novitads 06:00

Artitgels legids il pli savens

Scrollar a sanestra Scrollar a dretga