- Ina dretgira en Belgia ha laschà liber Puigdemont e quatter anteriurs ministers catalans sin cauziun.
- Puigdemont na dastga betg bandunar la Belgia per il mument.
- Carles Puigdemont e quatter ulteriurs ministers catalans èran dapi dumengia avantmezdi en arrest.
- Ils politichers eran sa denunziads.
Il primminister da la regiun da la Catalugna relaschà Carles Puigdemont è puspè en libertad. Ina dretgira en Belgia ha suenter las audiziuns laschà liber el sut tschertas cundiziuns. El e quatter ministers anteriurs na dastgan betg bandunar la Belgia per il mument e ston avair ina adressa fixa. Davart ils proxims pass duai vegnir decis entaifer ils proxims 15 dis.
Cumond d'arrest europeic
La giustia spagnola aveva decretà in cumond d'arrest europeic cunter Puigdemont ed ulteriurs anteriurs ministers da la Catalugna ch'eran fugids en Belgia. Ad els vegn tranter auter renfatschà rebelliun e maldiever da daners publics. Als separatists smanatschan fin a 30 onns praschun en Spagna.
RR novitads 15:00+
