Suenter che 91% da las vuschs eran dumbradas, era il candidat da la partida PAC tar 60% da las vuschs ed è uschia il nov president da la Costa Rica. El succeda a ses collega da partida Luis Guillermo Solís, ch'è entrà en uffizi avant quatter onns.
Ses concurrent conservativ Fabricio Alvarado ha concedì sia terrada ed ha gratulà al victur.
Posiziun liberala
Il nov president è anteriur minister da lavur e chantadur da hobbi. En dumondas socialas vala el sco liberal.
Cuntrari a ses concurrent, ch'ha pers la partida. Fabricio Alvarado vala sco adversari radical da la letg tranter persunas dal medem gener, che duai tenor la decisiun da la dretgira americana vegnir lubida en la Costa Rica.
Nagina maioritad en il parlament
Sia partida, la PAC, n’ha dentant nagina maioritad en il parlament.Tuts dus candidats avevan perquai gia discurrì cun autras partidas per organisar ina regenza da coaliziun en cas d'ina victoria.
Sin il nov president spetgan gronds sfidas, sco per exempel la greva crisa dal budget dal stadi, afferas da corrupziun ed adina dapli criminalitad da drogas.
RR novitads 06:00