Suenter che la Gronda Britannia ha inculpà la Russia d'esser responsabla per l'attatga da tissi sin il spiun dubel Sergej Skripal e sia figlia, inculpescha la Russia uss il vest d'esser culpabel.
La tissientada en la Gronda Britannia saja ina provocaziun dals servetschs secrets americans e britannics, ha il schef dal servetsch secret russ ditg tar ina conferenza per la segirezza a Moscau. I turnia enavos en l'èra da la guerra fraida.
Ord tema da midadas è il vest pront da bajegiar si enturn sasez ina nova tenda da fier.
Acziuns e reacziuns tar il cas Skripal
La Gronda Britannia aveva fatg responsabla la Russia per il cas Skripal ed aveva reducì il dumber d'ambassadurs russ en la Gronda Britannia. Plirs pajais avevan simpatisà.
La Russia aveva lura reagì cun ina replica e bandegià plirs ambassadurs da tals pajais.
RR novitads 11:00
