Siglir tar il cuntegn
Inhalt

Exteriur Catalugna: Separatists bloccheschan vias

Adherents da l'independenza da la Catalugna han bloccà oz vias e binaris en il nord da Barcelona. Quai han las autoritads communitgà. Oz èsi in onn ch'ils Catalans avevan vuschà davart il referendum d'independenza - quai malgrà che Madrid aveva scumandà quel.

policists armads emprovan da tegnair enavos demonstrants a Barcelona
Legenda: Dapi la sonda datti protests en la chapitala da la Catalugna, Barcelona. Keystone

Ils 27 d'october 2017 aveva il parlament catalan proclamà unilateralmain l'independenza da la Catalugna. Sinaquai aveva la regenza centrala a Madrid mess giu la regenza regiunala a Barcelona. Il president regiunal Carles Puigdemont era fugì en l'exteriur.

RR novitads 11:00