Legenda:
Il tarpun d'ieli en il Golf da Mexico suenter la catastrofa il 2010.
Keystone
cuntegn
Exteriur - Catastrofa custa a BP passa 20 milliardas dollars
Il concern d'ieli britannic BP sto pajar 20,8 milliardas dollars a la regenza americana ed als 5 stadis federativs pertutgads. Quai sco indemnisaziun per la catastrofa d’ieli en il Golf da Mexico.
Il pajament dal chasti ha communitgà la ministra da giustia americana, Loretta Lynch. I sa tractia dal chasti il pli grond ch’è vegnì dà insacura ad in’interpresa singula en l’entir'istorgia dals Stadis Unids.
Catastrofa cun morts e gronds donns ecologics
Da l'explosiun da la plattafurma da perfuraziun d'ieli «Deepwater Horizon» l'avrigl dal 2010 eran morts 11 lavurants. L'ieli aveva chaschunà gronds donns, tant a la natira, sco er a la pestga ed al turissem.
