Siglir tar il cuntegn

Header

cuntegn

Exteriur Catastrofa da Fukushima fiss stada evitabla

Tenor ina dretgira giapunaisa saja il stadi conculpabel areguard la disgrazia d'atom a Fukushima. La disgrazia fissi stada evitabla.

La disgrazia fissi stada evitabla. Il stadi avessi stuì nizzegiar sia rolla sco regulatur per sfurzar il concern d'energia Tepco a prender mesiras da protecziun cunter tsunamis.

137 vischins ch'avevan stuì bandunar lur abitaziuns per adina suenter la disgrazia atomara dal mars 2011 avevan purtà plant e pretendì 13 milliuns francs sco reparaziun dal donn.La finala han pliras partidas survegnì radund 340'000 francs ch'il stadi e Tepco ston pajar.

La mendra catastrofa dapi Tschernobyl

Il mars 2011 avevan in terratrembel e silsuenter in tsunami squassà il nord dal Giapun. La catastrofa ha manà tar ina fusiun en il ractur nuclear a Fukushima. Quai è stà il pli grev cas dapi Tschernobyl anno 1986.

Las lavurs da rumida cuzzan anc almain trais decennis. Dapli che 10'000 persunas che han stuì bandunar la regiun pervi dals quitads da la radiaziun radioactiva han gia accusà la regenza u Tepco, ch'è manader da l'ovra nucleara. I ha er gia dà pliras sentenzias, quai è dentant l'emprima giada che regenza è manader vegnan sentenziads ensemen.

RR novitads 12:00

Artitgels legids il pli savens