Siglir tar il cuntegn
Inhalt

Exteriur CDU gudogna e perda tuttina

A las elecziuns dal Landtag a Hessen resta la CDU la ferma partida malgrà las sperditas. Tenor emprimas calculaziuns da ARD e ZDF vegnan ils cristiandemocrats dal primminister Volker Bouffier sin 27,2% da las vuschs, la SPD e Verds sin 20,4%, AfD sin 12,8%, la FDP sin 7,8 ed ils sanesters sin 6,4%.

purtret da Volker Bouffier, primminister da Hessen
Legenda: Volker Bouffier, il primminister da Hessen n'ha era betg pudì impedir la perdita da vuschs. Keystone

Il primminister da Hessen, Volker Bouffier, parta dal fatg ch'el restia en uffizi. «Nus essan cleramain la ferma fracziun», ha el ditg la dumengia saira. El ha er annunzià discurs cun autras partidas. Sulet per la AfD ed ils sanesters na dettia nagins invits a discurs.

Il mument ha sulet ina coaliziun da Jamaica ord CDU (nair), Verds ed FDP (mellen) ina maioritad en il parlament da Wiesbaden.

Suenter las elecziuns en la Baviera han las partidas grondas er pers vuschs en il Hessen. Quai chaschuna vinavant discussiuns davart il futur da la coaliziun gronda en la Germania.

RR novitads 20:00