Tenor il cumissari da l'UE per ils fugitivs, Dimitris Avramopoulos, èn ils centers per registrar ils fugitivs en la Grezia e l'Italia pronts en 4 emnas. En quests uschenumnads hotspots duain en il futur vegnir registrads tut ils fugitivs. Quai per distribuir els suenter en l'Uniun europeica.
Registradas vegnan era las improntas dal det dals fugitivs. Tenor Avramopoulos sto ins ussa agir svelt. Quai surtut en vista da la situaziun politica tendida en la Germania. La gronda affluenza da fugitivs na saja anc betg a fin, ha el ditg.
RR novitads 6:00
sda/hs