Ma la discussiun davart Ceta va vinavant. I n’è betg pussaivel da realisar intginas parts da la cunvegna. Per far quai ston ils parlaments da divers pajais da l’UE anc dir gea a las parts pertutgadas.
Suenter che la Vallonia aveva mess en il veto cunter Ceta èn tut ils involvads cuntent ch'il contract è uss sut tetg. President dal parlament da l'UE Martin Schulz ha discurrì d'in bun di per l'UE e per Canada. Ceta vegnia ad esser standart per tut ils contracts futurs. Ils dubis dals adversaris duain vegnir sminuids cun decleraziuns supplementaras e garanzias. Uschia vegn per exempel fixa ch'îls Belgiais pon tegnair enavos concurrenza che metiss en privel l'existenza da lur purs.
Nova èra
Cun questa cunvegna da Ceta vulan l'UE ed il Canada stgaffir ina nova basa per lur relaziuns economicas. Tras questa cunvegna che procura tranter auter per pli pauc duana duai l'economia crescher sin omaduas varts da l'Atlantic. Ils standarts europeics per la segirazza per mangiativas e per dretgs per lavurers ston vegnir risguardads sco enfin qua. La cunvegna fa era la segira ch'il avantatgs economics na giajan betg sin donn e cust da la democrazia.
Lecziun per TTIP
Suenter las grondas retegnientschas cun la cunvegna cun Canada pretendan uss intgins stadis da l'UE da contrahar era danovamain ina cunvegna cun ils Stadis Unids. Era là stoppian ins contrahar a moda e maniera averta e transparenta.
RR novitads 15:00
