Siglir tar il cuntegn
cuntegn

Exteriur Chaliras fan problems a las ovras atomaras

L'unda da chalira che regia il mument en l'Europa ha er consequenzas per las ovras atomaras. En Frantscha è in reactur da l'ovra da Saint Alban dasper Lyon vegnì tschentà giu e tar il reactur da Fessenheim è la prestaziun vegnida limitada.

Ovra atomara a Fessenheim.
Legenda: Pervi da la chalira lavura in reactur da l'ovra atomara a Fessenheim be cun ina prestaziun limitada. Keystone

L'unda da chalira che regia il mument ha en l'Europa chaschunà reducziuns tar las ovras atomaras. En Frantscha è il reactur 1 da l'ovra da Saint Alban, en il sid dasper Lyon, vegnì tschentà giu. Quai per evitar ch'il flum da la Rhone sa stgaudia memia fitg. L'aua per sfradentar l'ovra atomara deriva dal flum.

Tar il reactur da Fessenheim 2, datiers dal cunfin tudestg, è la prestaziun vegnida limitada. L'ovra atomara en l'Alsazia è la pli veglia ovra atomara da la Frantscha. La segirezza na saja però betg periclitada. Quai communitgescha il concern d'energia responsabel.

RR novitads 09:00